سورة الإنسان - آیت 29

إِنَّ هَٰذِهِ تَذْكِرَةٌ ۖ فَمَن شَاءَ اتَّخَذَ إِلَىٰ رَبِّهِ سَبِيلًا

ترجمہ تیسیر القرآن - مولانا عبدالرحمن کیلانی صاحب

یہ (قرآن) ایک نصیحت ہے [٣٢] اب جو چاہے اپنے پروردگار کی طرف (جانے والا) راستہ اختیار کرے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی یہ قرآن تمہیں تمہاری فطرت كی یاد دہانی كے لیے نازل كیا گیا ہے۔ اور تمہیں یہ اختیار دیا گیا ہے كہ چاہے تو اس نصیحت كو قبول كر لو اور چاہے تو رد كر دو۔ نہ قرآن تمہیں كسی بات پر مجبور كرنے كے لیے نازل كیا گیا ہے اور نہ حامل قرآن میں یہ قدرت ہے كہ تمہیں زبردستی راہ راست پر لے آئے۔