سورة الإنسان - آیت 28

نَّحْنُ خَلَقْنَاهُمْ وَشَدَدْنَا أَسْرَهُمْ ۖ وَإِذَا شِئْنَا بَدَّلْنَا أَمْثَالَهُمْ تَبْدِيلًا

ترجمہ تیسیر القرآن - مولانا عبدالرحمن کیلانی صاحب

ہم نے ہی انہیں پیدا کیا اور ان کے جوڑ بند مضبوط کیے اور جب ہم چاہیں ایسے ہی اور لوگ [٣١] (ان کی جگہ) لے آئیں۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی ہم نے رحم مادر میں ان كے بند بند اور پور پور كو درست كر كے یا ان كے جوڑوں كو رگوں اور پٹھوں كے ذریعے سے ایك دوسرے كے ساتھ ملا دیا، اور ایك صاحب عقل وشعور انسان بنا كر پیدا كر دیا تھا تو ہم میں یہ بھی قدرت ہے كہ تمہیں ہٹا كر دوسری مخلوق تمہاری جگہ لے آئیں جو تمہاری طرح نافرمان اور سركش نہ ہو۔ اور یہ بھی قدرت ہے كہ تمہیں اس صفحۂ ہستی سے مٹا كر دوبارہ تمہیں پیدا كر كے تمہارا پوری طرح محاسبہ كریں۔