سورة النسآء

وَإِنَّ مِنكُمْ لَمَن لَّيُبَطِّئَنَّ فَإِنْ أَصَابَتْكُم مُّصِيبَةٌ قَالَ قَدْ أَنْعَمَ اللَّهُ عَلَيَّ إِذْ لَمْ أَكُن مَّعَهُمْ شَهِيدًا

تم میں سے کوئی ایسا بھی ہے جو (دیدہ دانستہ) پیچھے رہ جاتا ہے پھر اگر تمہیں کوئی مصیبت پہنچ جائے تو کہتا ہے: ’’مجھ پر تو اللہ نے بہت احسان کیا ہے کہ [١٠١] میں ان میں موجود نہ تھا‘‘

اس آیت میں اُن منافقین کا ذکر ہے جو جہاد میں جانے سے گریز کرتے اور دیدہ دانستہ، حیلوں بہانوں سے پیچھے رہ جانے کی کوشش کرتے، پھر اگر اس سفر جہاد میں مسلمانوں کو کچھ تکلیفیں پہنچتی تو بڑے خوش ہوتے اور کہتے کہ اللہ کا شکر ہے کہ میں پیچھے رہ گیا ورنہ کہیں مجھے بھی وہ دکھ اٹھانے پڑتے جو مسلمانوں نے اٹھائے ہیں۔