سورة الإنسان

إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاءً وَلَا شُكُورًا

(اور انہیں کہتے ہیں کہ) ہم تمہیں صرف اللہ کی رضا کی خاطر کھلاتے ہیں ہم تم سے نہ کوئی بدلہ چاہتے [١٢] ہیں اور نہ شکریہ

یہ اس نیك سلوك كا نہ تو ان سے كوئی بدلہ چاہتے ہیں نہ شكریہ۔ بلكہ اپنے مال سے گویا اعلان كر دیتے ہیں ہم تمہیں صرف اللہ كی راہ میں دیتے ہیں اس میں ہماری ہی بہتری ہے كہ اس سے رضائے رب اور مرضی مولا ہمیں حاصل ہو جائے۔ ہم ثواب واجر كے مستحق ہو جائیں۔ حضرت سعید رحمہ اللہ فرماتے ہیں خدا كی قسم! یہ بات وہ لوگ منہ سے نہیں نكالتے یہ دلی ارادہ ہوتا ہے، جس كا علم خدا كو ہے تو خدا نے اسے ظاہر فرما دیا كہ اور لوگوں كو رغبت كا باعث بنے۔ (تفسیر طبری: ۲۴/ ۹۸)