سورة القيامة

بَلْ يُرِيدُ الْإِنسَانُ لِيَفْجُرَ أَمَامَهُ

بلکہ انسان یہ چاہتا ہے کہ وہ اللہ کے احکام کے علی الرغم [٤] بداعمالیاں کرتا رہے۔

اصل مسئلہ یہ نہیں كہ انسان اللہ تعالیٰ كو اس بات پر قادر نہیں سمجھتا كہ وہ اسے دوبارہ پیدا كر سكتا ہے بلكہ اصل مسئلہ یہ ہے كہ وہ اس بات كو تسلیم كر كے اپنی آزادانہ زندگی پر پابندیاں عائد نہیں كرنا چاہتا۔ اسے خوب معلوم ہے كہ اگر اس نے عقیدہ آخرت كو تسلیم كر لیا تو پھر اسے نہایت پابند اور محتاط زندگی گزارنا ہوگی اس كا آسان حل اس نے یہ سوچا كہ قیامت كا ہی انكار كر دے۔ اور اس كی یہ كیفیت بالكل ویسی ہی ہے جیسے كبوتر بلی كو دیكھ كر اپنی آنكھیں بند كر لیتا ہے اور اپنے نفس كو اس فریب میں مبتلا كر لیتا ہے كہ اب خطرہ دور ہوگیا۔