سورة الجن

وَأَنَّهُمْ ظَنُّوا كَمَا ظَنَنتُمْ أَن لَّن يَبْعَثَ اللَّهُ أَحَدًا

اور یہ کہ انسان بھی ایسا ہی خیال کرتے تھے جیسے تم کرتے ہو کہ اللہ کبھی کسی کو دوبارہ [٦] نہ اٹھائے گا

یہ ذو معنی فقرہ ہے، اس كا ایك مطلب تو وہی ہے جو ترجمہ میں مذكور ہے۔ اور دوسرا مطلب یہ ہے كہ اللہ كسی كو رسول بنا كر نہیں بھیجے گا۔ گویا جس طرح انسانوں میں ایسے لوگ موجود ہیں جو رسالت اور آخرت دونوں كے منكر ہیں اسی طرح جنوں میں بھی ایسے لوگ موجود تھے۔ جب جنوں نے قرآن سن كر معلوم كیا كہ ان كے یہ دونوں عقیدے غلط تھے تو ان عقائد سے دستبردار ہو كر وہ آپ صلی اللہ علیہ وسلم كی رسالت پر ایمان لے آئے۔