سورة المعارج

فَمَالِ الَّذِينَ كَفَرُوا قِبَلَكَ مُهْطِعِينَ

ان کافروں کو کیا ہوگیا ہے کہ یہ آپ کی طرف دوڑے آرہے ہیں

یہ نبی صلی اللہ علیہ وسلم كے زمانے كا ذكر ہے۔ جب آپ صلی اللہ علیہ وسلم لوگوں كو قرآن سنانے، وعظ ونصیحت كرنے اور احوالِ قیامت بیان كرنے كے لیے كھڑے ہوتے تو كافر آپ كی مجلس میں دوڑے دوڑے آتے۔ لیكن آپ صلی اللہ علیہ وسلم كی باتیں سن كر عمل كرنے كی بجائے ان كا مذاق اڑاتے اور ٹولیوں میں بٹ جاتے۔ اور دعویٰ یہ كرتے، كہ اگر مسلمانوں كے كہنے كے مطابق دوسری زندگی، اور جنت و دوزخ ہوئی تو ہم ان مسلمانوں سے پہلے جنت میں جائیں گے۔ اللہ تعالیٰ نے اگلی آیت میں ان كے زعم باطل كی تردید فرمائی۔