سورة التحريم - آیت 7

يَا أَيُّهَا الَّذِينَ كَفَرُوا لَا تَعْتَذِرُوا الْيَوْمَ ۖ إِنَّمَا تُجْزَوْنَ مَا كُنتُمْ تَعْمَلُونَ

ترجمہ تیسیر القرآن - مولانا عبدالرحمن کیلانی صاحب

(اس دن اللہ کافروں سے فرمائے گا) اے کافرو! آج بہانے [١٥] مت بناؤ۔ تمہیں ویسا ہی بدلہ دیا جائے گا جیسے تم عمل کرتے رہے۔

تسہیل البیان فی تفسیر القرآن - ام عمران شکیلہ بنت میاں فضل حسین

قیامت كے دن كوئی عذر نہیں: یعنی آج نہ تمہاری بہانہ سازی كام آئے گی نہ كسی قسم كی معذرت قبول كی جائے گی اس لیے كہ اللہ تو تمہارے دلوں كے خیالات تك سے واقف ہے۔ اس لیے آج تمہارے لیے اس كے سوا كوئی چارہ نہیں كہ جو كچھ تم كرتے رہے آج اس كی سزا بھگتو۔