سورة التحريم - آیت 5

عَسَىٰ رَبُّهُ إِن طَلَّقَكُنَّ أَن يُبْدِلَهُ أَزْوَاجًا خَيْرًا مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا

ترجمہ تیسیر القرآن - مولانا عبدالرحمن کیلانی صاحب

کچھ بعید نہیں کہ اگر نبی تمہیں طلاق دے دے [٧] تو اس کا پروردگار اسے تم سے بہتر [٨] بیویاں بدل دے جو مسلمان، مومن، اطاعت گزار [٩]، توبہ کرنے والی، عبادت گزار اور روزہ دار [١٠] ہوں، خواہ وہ شوہر [١١] دیدہ ہو یا کنواریاں ہوں

تسہیل البیان فی تفسیر القرآن - ام عمران شکیلہ بنت میاں فضل حسین

یہ تنبیہ كے طور پر اللہ تعالیٰ ازواج مطہرات سے فرمایا جا رہا ہے كہ اپنے پیغمبر كو تم سے بہتر بیویاں عطا كر سكتا ہے۔ بعض بیوہ ہوں گی اور بعض كنواریاں اس لیے كہ جی خوش رہے، اس كا ہرگز مطلب نہیں كہ ازواج مطہرات میں مذكورہ صفات موجود نہ تھیں بلكہ یہ ہے كہ نبی صلی اللہ علیہ وسلم كی بیویوں میں یہ صفات بدرجہ اتم ہونا چاہئیں۔