سورة المنافقون

ذَٰلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَىٰ قُلُوبِهِمْ فَهُمْ لَا يَفْقَهُونَ

یہ اس لیے کہ وہ ایمان لائے پھر کفر کیا [٤] تو ان کے دلوں پر مہر لگا دی گئی، اب یہ کچھ نہیں سمجھتے

دلوں پر مہر لگا دی: یعنی ایمان تو لے آئے اور ایمان كا دعویٰ بھی كیا مگر دل سے یہ كافر كے كافر ہی رہے، ان كی ہمدردیاں اور سرگوشیاں اور رازداریاں سب كافروں سے ہی وابستہ رہیں اور یہ عادت ان میں اس قدر پختہ ہوگئی كہ اب مسلمانوں كی بھلائی انھیں ایك آنكھ نہیں بھائی۔ لہٰذا اللہ نے ان كے دلوں پر مہر لگا دی۔ كیونكہ اللہ كسی كو جبراً اور كان پكڑ كر راہ ہدایت كی طرف نہیں لایا كرتا۔ اور وہ بے وقوف ایسے ہیں كہ انھیں یہ سمجھ بھی نہیں آرہی كہ جو كام وہ كر رہے ہیں وہ ان كے لیے مفید رہیں گے یا الٹا ان كی ذلت ورسوائی كا باعث بن جائیں گے۔