سورة الحشر

كَمَثَلِ الَّذِينَ مِن قَبْلِهِمْ قَرِيبًا ۖ ذَاقُوا وَبَالَ أَمْرِهِمْ وَلَهُمْ عَذَابٌ أَلِيمٌ

ان کا حال ان لوگوں کا سا ہے جو ان سے تھوڑی مدت [٢١] پہلے اپنے کیے کا مزا چکھ چکے ہیں، اور ان کے لیے دردناک عذاب ہے

اس سے بعض نے مشركین مكہ مراد لیے ہیں۔ جنھیں غزوہ بنی نضیر سے كچھ عرصہ قبل جنگ بدر میں عبرت ناك شكست ہوئی تھی۔ یعنی یہ بھی مغلوبیت میں اور ذلت میں مشركین ہی كی طرح ہیں جن كا زمانہ عنقریب ہی ہے۔ بعض نے یہود كے دوسرے قبیلے بنو قینقاع کو مراد لیا ہے۔ جنھیں بنو نضیر سے پہلے جلا وطن كیا جا چكا تھا جو زمان ومكان دونوں لحاظ سے ان كے قریب تھے۔ المناك عذاب: یعنی یہ وبال جو انھوں نے چكھا یہ تو دنیا كی سزا ہے، آخرت كی سزا اس كے علاوہ ہے جو نہایت دردناك ہوگی۔ (ابن كثیر)