سورة الحديد

لَهُ مُلْكُ السَّمَاوَاتِ وَالْأَرْضِ ۖ يُحْيِي وَيُمِيتُ ۖ وَهُوَ عَلَىٰ كُلِّ شَيْءٍ قَدِيرٌ

آسمانوں اور زمین میں جو کچھ ہے سب اسی کا ہے، وہی زندگی بخشتا اور موت دیتا [٣] ہے اور وہ ہر چیز پر قادر ہے

چونکہ وہ ہر چیز کا خالق ہے لہٰذا ہر چیز پر پورا پورا تصرف اور اختیار بھی رکھتا ہے اور ہر چیز کو جس مقصد کے لیے اس نے بنایا ہے اس سے وہ کام لے رہا ہے، اس قدر بے پناہ اور ہمہ گیر قوت اور غلبہ والے نے جو چیز بھی بنائی اس میں کئی حکمتیں مضمر ہوتی ہے۔ موت اور زندگی: زندگی اور موت اسی کے قبضے میں ہے وہی فنا کرتا ہے وہی پیدا کرتا ہے، اور یہ طریقہ کار صرف حیوانات میں ہی نہیں، نباتات میں بھی ہر آن جاری وساری ہے۔