سورة الواقعة

يَطُوفُ عَلَيْهِمْ وِلْدَانٌ مُّخَلَّدُونَ

ہمیشہ نوجوان رہنے والے خدمتگار لڑکے ان کے پاس پھرتے رہینگے

نوجوان خدمت گار: یعنی وہ بڑے نہیں ہوں گے کہ بوڑھے ہو جائیں نہ ان کے خدوخال اور قد وقامت میں کوئی تغیر واقع ہوگا بلکہ ایک ہی عمر اور ایک ہی حالت پر رہیں گے جیسے نو عمر لڑکے ہوتے ہیں۔ صَدَاعٌ: ایسے سر درد کو کہتے ہیں جو شراب کے نشہ اور خمار کی وجہ سے ہو۔ اور اِنْزَافٌ کے معنی وہ فتور عقل ہے جو مدہوشی کی بنیاد پر ہو۔ دنیا میں شراب کے نتیجے میں یہ دونوں چیزیں ہوتی ہیں اور شراب پینے والا اول فول بکنے لگتا ہے۔ اور بعض دفعہ ناشائستہ حرکات اور گناہ کے کام بھی کر بیٹھتا ہے۔ آخرت کی شراب میں سرور ولذت تو یقینا ہوگی۔ لیکن یہ خرابیاں نہیں ہوں گی۔