سورة الرحمن - آیت 35

يُرْسَلُ عَلَيْكُمَا شُوَاظٌ مِّن نَّارٍ وَنُحَاسٌ فَلَا تَنتَصِرَانِ

ترجمہ تیسیر القرآن - مولانا عبدالرحمن کیلانی صاحب

تم پر آگ کے شعلے اور سخت گرم دھواں [٢٤] چھوڑ دیا جائے گا، پھر تم اپنا بچاؤ نہ کرسکو گے [٢٥]

تسہیل البیان فی تفسیر القرآن - ام عمران شکیلہ بنت میاں فضل حسین

یعنی قیامت والے دن اگر تم بھاگ كر كہیں گئے بھی تو میرے فرشتے اور جہنم كے داروغے آگ برسا كر، دھواں چھوڑ كر، تمہارے سر پر پگھلا ہوا پیتل بہا كر تمہیں واپس لوٹا لائیں گے، تم نہ ان كا مقابلہ كر سكتے ہو نہ انھیں دفع كر سكتے ہو نہ ان سے انتقام لے سكتے ہو، پس تم اپنے رب كی كس كس نعمت كا انكار كرو گے۔