سورة الرحمن

فَبِأَيِّ آلَاءِ رَبِّكُمَا تُكَذِّبَانِ

پس (اے جن و انس)! تم اپنے پروردگار کی کون کون سی نعمتوں [١١] کو جھٹلاؤ گے؟

کون کون سی نعمتوں کو جھٹلاؤ گے: اللہ تعالیٰ فرماتا ہے اے جنو اور انسانو! تم اپنے رب کی کس کس نعمت کو جھٹلاؤ گے۔ یعنی تم اس کی نعمتوں میں سر سے پیر تک ڈوبےہوئے ہو۔ نا ممکن ہے کہ تم حقیقی طور پر کسی نعمت کا انکار کر سکو اور اسے جھوٹ بتا سکو۔ ایک دو نعمتیں ہوں تو خیر، یہاں تو سرتاپا تم اس کی نعمتوں سے پرہو رہے ہو۔ اسی لیے مومن جنوں نے اسے سن کر جھٹ سے جواب دیا۔ اَللّٰہُمَّ وَلَا بَشِیْءٍ مِّنْ الآئِکَ رَبَّنَانُکَذِّبُ فَلَکَ الْحَمْدُ۔ (ترمذی)