سورة القمر

أَمْ يَقُولُونَ نَحْنُ جَمِيعٌ مُّنتَصِرٌ

کیا وہ یہ کہتے ہیں کہ ہم ایک انتقام لے لینے والی جماعت ہیں۔

ہجرت حبشہ: قیاس یہ ہے کہ یہ سورت سورہ النجم سے ڈیڑھ دو سال بعد نازل ہوئی۔ اس وقت صورت حال یہ تھی کہ کافروں کے ظلم و ستم سے مجبور ہو کر اسّی مسلمان مرد اور عورتیں حبشہ کی طرف چلے گئے۔ باقی شعب ابی طالب میں محصور ہو گئے تھے۔ ان کا معاشرتی بائیکاٹ بھی کر دیا گیا تھا اور معاشی بھی۔ باہر سے ان محصورین تک سخت پابندی لگا دی گئی تھی اور مسلمان بھوک و افلاس کا شکار ہو رہے تھے۔ بعض دفعہ درختوں کے پتے کھانے تک نوبت آ جاتی۔ اور یہ ظلم و ستم ڈھانے والے قریش تھے جنھیں اپنی جمعیت پر ناز تھا کہ ہم اسلام لانے کے جرم میں مسلمانوں سے پوری طرح انتقام لے سکتے ہیں۔