سورة آل عمران

مَتَاعٌ قَلِيلٌ ثُمَّ مَأْوَاهُمْ جَهَنَّمُ ۚ وَبِئْسَ الْمِهَادُ

یہ چند روزہ زندگی کا لطف ہے پھر (موت کے بعد) ان کا ٹھکانا دوزخ ہے۔ جو بہت برا ٹھکانا ہے

یعنی یہ دنیا کے وسائل، آسائشیں اور سہولتیں بظاہر کتنی ہی زیادہ کیوں نہ ہوں، دراصل متاع قلیل ہی ہیں۔ کیونکہ بالآخر انھیں فنا ہونا ہے۔ اور ان کے فنا ہونے سے پہلے وہ خود فنا ہوجائیں گے۔ جو ان کے حصول کی کوششوں میں اللہ کو بھی فراموش کئے ہوئے ہیں۔ اور ہر قسم کے اخلاقی ضابطوں اور اللہ کی حدوں کو بھی پامال کرتے ہیں۔