سورة الذاريات

فَأَوْجَسَ مِنْهُمْ خِيفَةً ۖ قَالُوا لَا تَخَفْ ۖ وَبَشَّرُوهُ بِغُلَامٍ عَلِيمٍ

پھر اپنے دل میں ان سے خوف [٢٢] محسوس کیا۔ وہ کہنے لگے : ''ڈرو نہیں'' پھر انہوں نے ابراہیم کو ایک صاحب علم لڑکے کی بشارت دی۔

یعنی آپ نے جب دیکھا کہ ان کے ہاتھ کھانے کی طرف بڑھتے نہیں تو دہشت زدہ ہو گئے اور دل میں خوف کھانے لگے۔ اس پر مہمان نے کہا کہ ڈرو مت ہم خدا کے بھیجے ہوئے فرشتے ہیں۔ جو قوم لوط کی ہلاکت کے لیے آئے ہیں۔ آپ کی بیوی صاحبہ جو کھڑی ہوئی سن رہی تھیں وہ سن کر ہنس دیں تو فرشتوں نے اسے خوشخبری سنائی کہ تمہارے ہاں حضرت اسحٰق علیہ السلام پیدا ہوں گے اور ان کےہاں یعقوب علیہ السلام ۔