سورة الذاريات

فَرَاغَ إِلَىٰ أَهْلِهِ فَجَاءَ بِعِجْلٍ سَمِينٍ

پھر وہ چپکے [٢١] سے اپنے گھر والوں کے پاس گئے اور ایک موٹا تازہ (بھنا ہوا) بچھڑا لے آئے

ابراہیم علیہ السلام ان کے کھانے کی تیاری کے لیے چپ چاپ جلدی سے اپنے گھر والوں کی طرف گئے اور ذرا سی دیر میں بھنا بھنایا بچھڑے کا گوشت لے آئے اور ان کے سامنے رکھ دیا۔ فرمایا کھاتے کیوں نہیں؟ اس سے ضیافت کے آداب معلوم ہوئے کہ ان سے پوچھے بغیر، ان پر احسان رکھنے سے پہلے آپ چپ چاپ انہیں خبر کیے بغیر چلے گئے اور بہ عجلت بہت سے بہتر جو چیز پائی اسے تیار کر کے لے آئے۔