سورة الفتح - آیت 22

وَلَوْ قَاتَلَكُمُ الَّذِينَ كَفَرُوا لَوَلَّوُا الْأَدْبَارَ ثُمَّ لَا يَجِدُونَ وَلِيًّا وَلَا نَصِيرًا

ترجمہ تیسیر القرآن - مولانا عبدالرحمن کیلانی صاحب

اگر کافر لوگ تم سے جنگ کرتے تو یقیناً پیٹھ پھیر [٣٣] جاتے۔ پھر وہ کوئی حامی اور مددگار بھی نہ پاتے۔

تسہیل البیان فی تفسیر القرآن - ام عمران شکیلہ بنت میاں فضل حسین

یہ حدیبیہ کی متوقع جنگ کے بارے میں کہا جا رہا ہے۔ کہ اگر یہ قریش مکہ صلح نہ کرتے بلکہ جنگ کا راستہ اختیار کرتے تو یہ پیٹھ پھیر کر بھاگ کھڑے ہوتے کوئی ان کا مدد گار نہ ہوتا۔ مطلب یہ کہ ہم تمہاری وہاں مدد کرتے اور ہمارے مقابلے میں کس کو ٹھہرنے کی طاقت ہے۔