سورة آل عمران

إِن يَنصُرْكُمُ اللَّهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّهِ فَلْيَتَوَكَّلِ الْمُؤْمِنُونَ

اگر اللہ تمہاری مدد کرے تو تم پر کوئی غالب [١٥٥] نہیں آسکتا۔ اور اگر وہ تمہیں بےیارو [١٥٦] مددگار چھوڑ دے تو پھر اس کے بعد کون ہے جو تمہاری مدد کرسکے؟ لہٰذا مومنوں کو اللہ ہی پر بھروسہ کرنا چاہیئے

جنگ اُحد کے دوران جو لوگ مورچہ چھوڑکر مال غنیمت سمیٹنے دوڑپڑے تھے جس کی وجہ سے انھوں نے رسول اللہ صلی اللہ علیہ وسلم کی نافرمانی بھی کی اس آیت میں یہ بتایا جارہا ہے کہ بھروسہ تو صرف اس پر کیا جاسکتا ہے جو سب سے زیادہ طاقت ور اور سب اسباب پر غالب و حاکم ہو اور ایسی ذات صرف ایک اللہ ہی کی ہے لہٰذا وہی بھروسہ کے قابل ہے۔