سورة الجاثية

مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۖ ثُمَّ إِلَىٰ رَبِّكُمْ تُرْجَعُونَ

جس نے کوئی اچھا عمل کیا وہ اسی کے لئے [٢٠] ہے اور اگر برا کرے گا تو وہی اس کا خمیازہ بھگتے گا پھر تم سب اپنے پروردگار کی طرف لوٹائے جاؤ گے

یعنی اگر کوئی شخص اچھا عمل کرتا ہے۔ تو اس کا فائدہ اچھا عمل کرنے والے کی ذات ہی کو پہنچتا ہے۔ اور آخرت میں بھی پہنچے گا۔ یہ خطاب ان مسلمانوں سے ہے جو کفار کی سختیاں برداشت کر رہے تھے کہ جب تم ان کی ایذاؤں اور زیادتیوں سے درگزر کرو گے، تو یہ سارے گناہ ان کے ذمہ ہی رہیں گے جن کی سزا ہم قیامت والے دن ان کو دیں گے۔ اس کے بعد فرمایا کہ تم سب اسی کی طرف لوٹائے جاؤ گے۔ اور ہر نیکی، بدی کی جزا و سزا پاؤ گے۔