سورة الدخان - آیت 19

وَأَن لَّا تَعْلُوا عَلَى اللَّهِ ۖ إِنِّي آتِيكُم بِسُلْطَانٍ مُّبِينٍ

ترجمہ تیسیرالقرآن - مولانا عبد الرحمن کیلانی

اور یہ کہ اللہ کے مقابلہ میں سرکشی نہ کرو [١٤]۔ میں تمہارے سامنے صریح سند پیش کرتا ہوں

تسہیل البیان فی تفسیر القرآن - ام عمران شکیلہ بنت میاں فضل حسین

یعنی جب میں اللہ کی طرف سے تمہارے سامنے ایسے معجزات پیش کر رہا ہوں جو اس کی طرف سے میرے رسول ہونے پر واضح ثبوت ہیں تو پھر جو کچھ دعوت میں پیش کر رہا ہوں۔ وہ اللہ ہی کی دعوت ہے۔ لہٰذا تمہیں رب کی باتیں ماننے سے سرکشی نہ کرنی چاہیے۔ اب خود سوچ لو کہ اللہ سے سرکشی کرنے کے بعد تم اس کی گرفت سے بچ سکتے ہو؟