سورة الزخرف

وَلَئِن سَأَلْتَهُم مَّنْ خَلَقَهُمْ لَيَقُولُنَّ اللَّهُ ۖ فَأَنَّىٰ يُؤْفَكُونَ

اور اگر آپ انہیں پوچھیں کہ انہیں کس نے پیدا کیا ہے تو یقیناً کہیں گے کہ اللہ نے۔ پھر انہیں کہاں سے [٧٩] دھوکا لگ جاتا ہے

مشرکین کی کم عقلی: یعنی اگر آپ ان سے پوچھیں کہ ان کا خالق کون ہے؟ تو یہ اقرار کریں گے کہ اللہ ہی ہے۔ افسوس کہ خالق اسی کو مان کر پھر عبادت دوسروں کی کرتے ہیں جو محض مجبور اور بالکل بے قدرت ہیں کبھی اپنی عقل کو کام میں نہیں لاتے کہ جب پیدا اسی نے کیا ہے تو ہم دوسروں کی عبادت کیوں کریں۔ جہالت، کند ذہنی اور بے وقوفی اتنی بڑھ گئی ہے کہ ایسی سیدھی بات مرتے دم تک سمجھ میں نہ آئی بلکہ سمجھانے سے بھی نہ سمجھا۔ تعجب ہے پھر مانتے ہوئے کیوں اندھے ہو جاتے ہو؟