سورة الزخرف

يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ ۖ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ ۖ وَأَنتُمْ فِيهَا خَالِدُونَ

ان کے سامنے سونے کی پلیٹوں اور ساغر کا دور چلے گا اور وہاں وہ سب کچھ موجود ہوگا جو دلوں کو بھائے اور آنکھوں کو لذت [٦٨] بخشے اور تم وہاں ہمیشہ رہو گے

جنت میں چاروں طرف سے ان کے سامنے طرح طرح کے مرغن خوش ذائقہ، مرغوب کھانوں کی طشتریاں، رکابیاں اور پیالیاں پیش ہوں گی اور غلام چھلکتے ہوئے جام ہاتھوں میں لیے ادھر اُدھر گردش کر رہے ہوں گے۔ یعنی انھیں مزے دار، خوشبو والے، اچھی رنگت والے، من مانے کھانے پینے كو ملیں گے اہل جنت کی بیویاں حورعین میں سے ہوں گی اور دنیا کی بیویاں الگ ہوں گی اور یہ نعمتیں ہمیشہ رہنے والی ہیں اور تم بھی ہمیشہ یہاں ہی رہو گے۔