سورة الزخرف

وَلَوْ نَشَاءُ لَجَعَلْنَا مِنكُم مَّلَائِكَةً فِي الْأَرْضِ يَخْلُفُونَ

اور اگر ہم چاہتے تو تم میں سے فرشتے پیدا کردیتے [٥٩] جو زمین میں تمہارے جانشین ہوتے۔

قریش مکہ کا ایک اعتراض یہ بھی تھا کہ اللہ کا رسول کوئی فرشتہ ہونا چاہیے تھا اللہ تعالیٰ فرماتا ہے کہ وہ جان لیں کہ اللہ جو چاہے اس پر قادر ہے۔ اور اگر اللہ چاہتے تو تمہیں ختم کر کے تمہاری جگہ فرشتوں کو آباد کر دیتے، جو تمہاری ہی طرح ایک دوسرے کی جانشینی کرتے۔ مطلب یہ ہے کہ فرشتوں کا آسمان پر رہنا ایسا شرف نہیں کہ ان کی عبادت کی جائے، یہ تو ہماری مشیئت اور قضا ہے کہ فرشتوں کو آسمانوں پر اور انسانوں کو زمین پر آباد کیا، ہم چاہیں تو فرشتوں کو زمین پر بھی آباد کر سکتے ہیں۔