سورة الزخرف

وَإِذْ قَالَ إِبْرَاهِيمُ لِأَبِيهِ وَقَوْمِهِ إِنَّنِي بَرَاءٌ مِّمَّا تَعْبُدُونَ

اور (وہ وقت یاد کرو) جب ابراہیم نے اپنے باپ اور اپنی قوم سے کہا : جن کی تم بندگی کرتے ہو، میں [٢٤] ان سے قطعاً بیزار ہوں

سیدنا ابراہیم علیہ السلام اور تقلید آباء: حضرت ابراہیم علیہ السلام کا یہاں ذکر اسی نسبت سے آیا ہے کہ کفار مکہ سیدنا ابراہیم علیہ السلام کو اپنا پیشوا اور نبی مانتے تھے۔ لہٰذا انھیں سمجھایا جا رہا ہے کہ اگر اسلاف کی تقلید ہی کرنا چاہتے ہو تو اپنے اس پیشوا کی کرو جو اللہ تعالیٰ کے سوا دوسروں کی بندگی سے سخت بیزار تھے۔ ان اسلاف کی کیوں پیروی کرتے ہو جنھوں نے خود ابراہیم علیہ السلام کی تقلید کو چھوڑ دیا تھا اور گمراہی کے راستوں پر چل کھڑے ہوئے تھے۔ شرعی اصطلاح میں اس کا نام تقلید نہیں بلکہ اتباعِ رسول اللہ ہے۔