لِتَسْتَوُوا عَلَىٰ ظُهُورِهِ ثُمَّ تَذْكُرُوا نِعْمَةَ رَبِّكُمْ إِذَا اسْتَوَيْتُمْ عَلَيْهِ وَتَقُولُوا سُبْحَانَ الَّذِي سَخَّرَ لَنَا هَٰذَا وَمَا كُنَّا لَهُ مُقْرِنِينَ
تاکہ تم ان کی پشت پر جم کر بیٹھ سکو۔ پھر جب اس پر ٹھیک طرح بیٹھ جاؤ تو اپنے پروردگار کا احسان یاد کرو اور کہو : پاک ہے وہ ذات جس نے ہمارے لئے اسے مطیع کردیا اور ہم تو اسے قابو میں نہ لا [١٢] سکتے تھے۔
جم کر بیٹھ جانا: یعنی تم خوب مزے سے ان پر سوار ہوتے ہو اور اگر اللہ تعالیٰ ان جانوروں کو تمہارے تابع اور تمہارے بس میں نہ کرتا تو تم ان کو اپنے قابو میں رکھ کر ان کو سواری، باربرداری اور دیگر مقاصد کے لیے استعمال نہیں کر سکتے تھے۔ اب تمہیں چاہیے کہ رب کی یہ نعمتیں پانے کے بعد اس کا شکر ادا کریں کہ اس نے کیسے کیسے وجود تمہارے قابو میں کر دئیے، اور یوں کہو کہ وہ اللہ پاک ذات ہے جس نے انھیں ہمارے قابو میں کر دیا۔ نبی صلی اللہ علیہ وسلم جب سواری پر سوار ہوتے تو تین مرتبہ اللہ اکبر کہتے اور ﴿سُبْحٰنَ الَّذِیْ سَخَّرَ لَنَا هٰذَا وَ مَا كُنَّا لَهٗ مُقْرِنِيْنَ۔ وَ اِنَّاۤ اِلٰى رَبِّنَا لَمُنْقَلِبُوْنَ﴾ تک آیت پڑھتے۔ علاوہ ازیں خیر و عافیت کی دعائیں مانگتے۔ (مسلم: ۱۳۴۲) جو دعاؤں کی کتابوں میں دیکھ لی جائیں۔