سورة غافر - آیت 45

فَوَقَاهُ اللَّهُ سَيِّئَاتِ مَا مَكَرُوا ۖ وَحَاقَ بِآلِ فِرْعَوْنَ سُوءُ الْعَذَابِ

ترجمہ تیسیر القرآن - مولانا عبدالرحمن کیلانی صاحب

ان لوگوں نے جو چالیں اس مرد مومن کے خلاف چلی تھیں [٥٩] اللہ نے ان سے اسے بچا لیا اور آل فرعون خود ہی برے عذاب میں گھر گئے۔

تسہیل البیان فی تفسیر القرآن - ام عمران شکیلہ بنت میاں فضل حسین

اس مومن کو اللہ تعالیٰ نے فرعونیوں کے مکر سے بچا لیا۔ اس کے خلاف اظہار حق کی وجہ سے جو تدبیریں اور سازشیں سوچ رکھی تھیں۔ ان سب کو ناکام بنا دیا۔ اور حضرت موسیٰ علیہ السلام کے ساتھ اس نے نجات پائی اور آخرت کے عذاب سے بھی محفوظ رہا۔ باقی تمام فرعونی بد ترین عذاب کا شکار ہوئے اور وہ سب کے سب دریا میں ڈبو دئیے گئے پھر وہاں سے جہنم واصل کر دئیے گئے۔