سورة آل عمران - آیت 123

وَلَقَدْ نَصَرَكُمُ اللَّهُ بِبَدْرٍ وَأَنتُمْ أَذِلَّةٌ ۖ فَاتَّقُوا اللَّهَ لَعَلَّكُمْ تَشْكُرُونَ

ترجمہ تیسیر القرآن - مولانا عبدالرحمن کیلانی صاحب

اور اس سے پہلے اللہ تعالیٰ نے جنگ بدر میں اس وقت تمہاری مدد کی جبکہ تم کمزور [١١٢] تھے لہٰذا اس سے ڈرتے رہو۔ اس طرح امید ہے کہ تم شکرگزار بن جاؤ گے

تسہیل البیان فی تفسیر القرآن - ام عمران شکیلہ بنت میاں فضل حسین

قلت تعداد کے سلسلہ میں اللہ تعالیٰ نے بدر کی مثال بیان کرتے ہوئے فرمایا کہ ’’بدر کے میدان میں تم ہر لحاظ سے کمزور تھے تعداد بھی تقریباً تین سو تیرہ تھی، اسلحہ جنگ اور سامان رسد بھی بہت کم تھا تو رب تعالیٰ نے تین ہزار فرشتوں سے مد د کی تھی۔ کافروں کی تباہی اور بربادی میں مددگار کون تھا؟ بے شک وہ اللہ ہی تھا۔ اس لیے اللہ کا تقویٰ اختیار کرو، صبر سے کام لو، اور اللہ سے ڈرتے رہو اور اس بات پر اللہ کا شکر ادا کیا کرو کہ اللہ تعالیٰ ہر آڑے وقت میں مسلمانوں کی فتح و نصرت کے لیے غیب سے سامان مہیا کردیتا ہے۔ رسول اللہ سجدہ میں یاحیی یا قیوم کا ذکر کررہے تھے۔