سورة الزمر - آیت 55

وَاتَّبِعُوا أَحْسَنَ مَا أُنزِلَ إِلَيْكُم مِّن رَّبِّكُم مِّن قَبْلِ أَن يَأْتِيَكُمُ الْعَذَابُ بَغْتَةً وَأَنتُمْ لَا تَشْعُرُونَ

ترجمہ تیسیر القرآن - مولانا عبدالرحمن کیلانی صاحب

اور جو کچھ تمہاری طرف تمہارے پروردگار کے ہاں سے نازل ہوا ہے اس کے بہترین [٧٣] پہلو کی پیروی کرو پیشتر اس کے کہ اچانک تم پر عذاب آجائے اور تمہیں خبر بھی نہ ہو

تسہیل البیان فی تفسیر القرآن - ام عمران شکیلہ بنت میاں فضل حسین

یعنی توبہ اور نیک عمل کی طرف سبقت کریں عظمت والے قرآن کریم کی تابعداری کریں اور امر کو اچھی سے اچھی شکل میں بجا لائیں نواہی سے پوری طرح اجتناب کریں۔ جس بات میں شک ہوا اسے بھی چھوڑ دیں۔ اس سے پہلے کہ اچانک عذاب آ جائے اور یہ بے خبری میں ہی ہوں۔