سورة ص - آیت 76

قَالَ أَنَا خَيْرٌ مِّنْهُ ۖ خَلَقْتَنِي مِن نَّارٍ وَخَلَقْتَهُ مِن طِينٍ

ترجمہ تیسیر القرآن - مولانا عبدالرحمن کیلانی صاحب

کہنے لگا : ’’میں اس سے بہتر ہوں (کیونکہ) مجھے تو تو نے آگ سے پیدا کیا اور اسے مٹی سے‘‘

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ نے سوال کیا: اے ابلیس اتنی معزز مخلوق کو جسے میں نے اپنے ہاتھوں سے بنایا تو نے میرے کہنے کے باوجود سجدہ کیوں نہ کیا؟ یہ تکبر اور سرکشی کس بنا پر ہے؟ تو کہنے لگا کہ میں اس سے افضل و اعلیٰ ہوں۔ کہاں آگ اور کہاں مٹی۔ اس خطا کار نے اس بات کے سمجھنے میں بھی غلطی کی اور اللہ کے حکم کی نافرمانی کی وجہ سے غارت ہو گیا۔