سورة الصافات - آیت 12

بَلْ عَجِبْتَ وَيَسْخَرُونَ

ترجمہ تیسیر القرآن - مولانا عبدالرحمن کیلانی صاحب

آپ کو تو (اللہ کی ایسی قدرتوں پر) تعجب [٨] ہے اور یہ لوگ ان کا مذاق اڑاتے ہیں

تسہیل البیان فی تفسیر القرآن - ام عمران شکیلہ بنت میاں فضل حسین

یعنی آپ کو تو منکرین آخرت کے انکار پر تعجب ہو رہا ہے کہ اس کے امکان بلکہ وجوب کے اتنے واضح دلائل کے باوجود وہ اسے مان کر نہیں دے رہے۔ اور وہ آپ کے دعوائے قیامت کا مذاق اُڑا رہے ہیں کہ یہ کیوں کر ممکن ہے۔‘‘