سورة يس - آیت 62

وَلَقَدْ أَضَلَّ مِنكُمْ جِبِلًّا كَثِيرًا ۖ أَفَلَمْ تَكُونُوا تَعْقِلُونَ

ترجمہ تیسیر القرآن - مولانا عبدالرحمن کیلانی صاحب

وہ تو تم میں سے ایک گروہ کثیر کو گمراہ [٥٧] کرچکا ہے کیا تم سوچتے نہیں؟

تسہیل البیان فی تفسیر القرآن - ام عمران شکیلہ بنت میاں فضل حسین

شیطان نے تم میں سے بے شمار لوگوں کو بہکا دیا۔ اور صحیح راہ سے ہٹا دیا تم میں اتنی بھی عقل نہ تھی کہ تم اس کا فیصلہ کر سکتے کہ رحمان کی مانیں یا شیطان کی؟ میں تمہارا رب ہوں، میں ہی تمہیں روزی دیتا ہوں اور میں ہی تمھاری رات دن حفاظت کرتا ہوں۔ لہٰذا تمہیں میری نافرمانی نہیں کرنی چاہیے لیکن اس پر بھی تم نے مجھ رب رحمان کی نافرمانی کی اور شیطان کی فرمانبرداری کی ۔ اے عہد فراموش مجرمو! تم نے اپنی عقل سے کچھ بھی کام نہ لیا ۔