سورة يس - آیت 20

وَجَاءَ مِنْ أَقْصَى الْمَدِينَةِ رَجُلٌ يَسْعَىٰ قَالَ يَا قَوْمِ اتَّبِعُوا الْمُرْسَلِينَ

ترجمہ تیسیر القرآن - مولانا عبدالرحمن کیلانی صاحب

اس وقت شہر کے پرلے کنارے سے ایک شخص دوڑتا [٢٢] ہوا آیا اور کہنے لگا : میری قوم کے لوگو! ان رسولوں کی پیروی اختیار کرلو

تسہیل البیان فی تفسیر القرآن - ام عمران شکیلہ بنت میاں فضل حسین

تفسیر طبری (۲۰ /۵۰۴میں) مروی ہے کہ اس بستی کے لوگ یہاں تک سرکش ہو گئے کہ انھوں نے پوشیدہ طور پر نبیوں کے قتل کا ارادہ کر لیا۔ ایک مسلمان جو اس بستی کے آخری حصے میں رہتا تھا جس کا نام حبیب تھا۔ اور رسے کا کام کرتا تھا۔ بیمار بھی تھا بہت سخی تھا جو کماتا تھا اس کا آدھا اللہ کی راہ میں خیرات کر دیتا تھا۔ دل کا نرم اور فطرت کا اچھا تھا۔ (تفسیر طبری ۲۰/۵۰۴)