سورة الأحزاب

وَبَشِّرِ الْمُؤْمِنِينَ بِأَنَّ لَهُم مِّنَ اللَّهِ فَضْلًا كَبِيرًا

آپ مومنوں کو خوشخبری دے دیجئے کہ ان پر اللہ کا بہت [٧٥] بڑا فضل ہے۔

روشن چراغ: جس طرح چراغ سے اندھیرے دور ہو جاتے ہیں اسی طرح آپ صلی اللہ علیہ وسلم کے ذریعے سے کفر و شرک کی تاریکیاں دور ہوئیں۔ گو یا نبوت کے آفتاب آپ صلی اللہ علیہ وسلم ہیں۔ آپ کے طلوع ہونے کےبعد اب کسی دوسری روشنی کی ضرورت نہیں اب ہر انسان کو اپنے ہر شعبہ زندگی کے لیے ہدایت اسی آفتاب نبوت و ہدایت سے حاصل کرنا ہو گی اللہ تعالیٰ اپنے پیغمبر سے فرماتے ہیں کہ اے نبی! کافروں اور منافقوں کی بات نہ مانو۔ نہ ان کی طرف کان لگاؤ۔ اور ان سے درگز کرو۔ یہ جو ایذائیں پہنچاتے ہیں، انھیں خیال میں بھی نہ لاؤ اور اللہ پر بھروسہ کرو وہ کافی ہے۔ (ابن کثیر)