سورة السجدة

تَنزِيلُ الْكِتَابِ لَا رَيْبَ فِيهِ مِن رَّبِّ الْعَالَمِينَ

اس بات میں کوئی شک نہیں کہ یہ کتاب (قرآن) پروردگار عالم کی طرف سے [١] نازل شدہ ہے۔

مطلب یہ ہے کہ یہ کتاب فرمانروائے کائنات کی طرف سے نازل شدہ ہے۔ اس میں شک و شبہ کی کوئی گنجائش نہیں۔ اس آیت میں دراصل مشرکین مکہ کے کئی اعتراضات کا جواب آ گیا ہے۔ کبھی وہ کہتے ہیں کہ اسے کوئی عجمی سکھا جاتا ہے۔ کبھی کہتے ہیں کہ اس نے خود ہی تصنیف کر ڈالی ہے۔ اس اعتراض کے پہلو بے شمار تھے مگر سب کا حاصل یہی تھا کہ یہ کتاب نہ اللہ کی طرف سے ہے نہ یہ اللہ کا رسول ہے انہی دو بنیادی باتوں کا رد اس آیت میں ہے۔