سورة لقمان

لِلَّهِ مَا فِي السَّمَاوَاتِ وَالْأَرْضِ ۚ إِنَّ اللَّهَ هُوَ الْغَنِيُّ الْحَمِيدُ

جو کچھ آسمانوں اور زمین میں ہے وہ اللہ ہی کا ہے [٣٣]۔ بلاشبہ اللہ ہی بے نیاز [٣٤] اور لائق حمد و ثنا ہے۔

پہلی آیت میں شرک کی نفی کی گئی ہے۔اوراس آیت میں اللہ کے ہرچیزکے مالک ہونے کاذکرہے۔یعنی اللہ تعالیٰ کائنات کوپیداکرکے کہیں علیحدہ نہیں جابیٹھا،بلکہ وہ ہرآن ان چیزوں پر غلبہ و قبضہ رکھے ہوئے ہے۔اورجس طرح ان چیزوں کا چاہے تصرف بھی کرسکتاہے اور کر رہا ہے اوراس کی ساری مخلوق اس کی مملوک بھی ہے۔کسی مخلوق کواللہ تعالیٰ کی اس ملکیت میں سے کسی چیزپربھی شاہانہ اختیارات حاصل نہیں ہیں۔بلکہ اللہ نے اگرکوئی چیزکسی کی ملک کردی ہے۔تووہ اس میں اسی حد تک تصرف کرسکتاہے۔جس حدتک شریعت نے اجازت دے رکھی ہے۔