سورة العنكبوت - آیت 68

وَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا أَوْ كَذَّبَ بِالْحَقِّ لَمَّا جَاءَهُ ۚ أَلَيْسَ فِي جَهَنَّمَ مَثْوًى لِّلْكَافِرِينَ

ترجمہ تیسیر القرآن - مولانا عبدالرحمن کیلانی صاحب

اور اس شخص سے بڑھ کر ظالم کون ہوگا جو خود جھوٹ گھڑ کر اللہ کے ذمہ لگا دے یا اس کے پاس حق آئے [١٠٠] تو اسے جھٹلا دے۔ کیا ایسے کافروں کے لئے دوزخ کا ٹھکانا کافی نہیں؟

تسہیل البیان فی تفسیر القرآن - ام عمران شکیلہ بنت میاں فضل حسین

اس سے بڑھ کرظالم کوئی نہیں جواللہ پرجھوٹ باندھے۔ اس کے پاس وحی آتی نہ ہواورکہہ دے میری طرف وحی کی جاتی ہے ۔اوراس سے بھی بڑھ کرظالم کوئی نہیں جواللہ کی سچی وحی اورحق کوجھٹلائے اورباوجودحق پہنچنے کے تکذیب پرکمربستہ رہے، ایسے مفتری اورمکذب لوگ کافرہیں۔اوران کاٹھکانہ جہنم ہے۔