سورة العنكبوت

الَّذِينَ صَبَرُوا وَعَلَىٰ رَبِّهِمْ يَتَوَكَّلُونَ

جنہوں نے (مصائب پر) صبر کیا اور اپنے پروردگار [٩١] پر بھروسہ رکھتے ہیں

صبرکالفظ بڑے وسیع معنوں میں استعمال ہوتاہے چنانچہ اللہ کی راہ میں پیش آنے والی مشکلات کواللہ کی رضا کے لیے خندہ پیشانی کے برداشت کرنابھی صبرہے۔احکام شریعت پراستقلال کے ساتھ کاربندرہنابھی صبرہے۔مالی مفادات کے ضیاع کودرخوداعتنانہ سمجھنا بھی صبرہے۔اہل وعیال اور عزیز واقرباکی دوری کومحض اللہ کی رضاکے لیے گوارا کرنا بھی صبرہے۔ اللہ پربھروسہ: اللہ پر توکل کا معنی یہ ہے کہ اللہ کے ان وعدوں پریقین کیاجائے جواس نے اپنے فرمانبرداربندوں سے کررکھے ہیں،بالحضوص اس صورت میں جب کہ ان وعدوں کے پوراہونے کے ظاہری اسباب بھی مفقود نظر آرہے ہوں۔