سورة العنكبوت - آیت 58

وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُم مِّنَ الْجَنَّةِ غُرَفًا تَجْرِي مِن تَحْتِهَا الْأَنْهَارُ خَالِدِينَ فِيهَا ۚ نِعْمَ أَجْرُ الْعَامِلِينَ

ترجمہ تیسیر القرآن - مولانا عبدالرحمن کیلانی صاحب

اور جو لوگ ایمان لائے اور انہوں نے نیک عمل کئے ہم انھیں جنت کے بالا خانوں [٩٠] میں جگہ دینگے جن کے نیچے نہریں بہ رہی ہیں۔ اس میں وہ ہمیشہ رہیں گے۔ عمل کرنے والوں کے لئے کیا ہی اچھا اجر ہے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی ایمان دار اور نیک اعمال والے لوگوں کواللہ تعالیٰ جنت عدن کی بلندوبالامنزلوں میں پہنچائے گا۔جن کے نیچے قسم قسم کی نہریں بہہ رہی ہوں گی۔یہ نہریں پانی، شراب، شہد اور دودھ کی ہوں گی۔یہ نہریں یہ چشمے،جنتی جہاں چاہیں گے خودبخودبہنے لگیں گے یہ وہاں ہمیشہ رہیں گے۔نہ وہاں سے نکالے جائیں گے نہ ہٹائے جائیں گے۔نہ وہ نعمتیں ختم ہوں گی نہ ان میں گھاٹا ہوگا۔ (ابن کثیر)