سورة العنكبوت - آیت 42
إِنَّ اللَّهَ يَعْلَمُ مَا يَدْعُونَ مِن دُونِهِ مِن شَيْءٍ ۚ وَهُوَ الْعَزِيزُ الْحَكِيمُ
ترجمہ تیسیر القرآن - مولانا عبدالرحمن کیلانی صاحب
یہ لوگ اللہ کو چھوڑ کر جس جس چیز کو پکارتے ہیں۔ اللہ اسے خوب جانتا [٦٧] ہے اور وہی سب پر غالب اور حکمت [٦٨] والا ہے۔
تسہیل البیان فی تفسیر القرآن - ام عمران شکیلہ بنت میاں فضل حسین
اللہ تعالیٰ مشرکوں کو ڈرا رہاہے کہ وہ ان سے، ان کے شرک سے، ان کے جھوٹے معبودوں سے خوب آگاہ ہے ۔ انھیں ان کی شرارت کا ایسا مزہ چکھائے گا کہ یہ یاد کریں گے انھیں ڈھیل دینے میں بھی اس کی مصلحت و حکمت ہے کیونکہ وہ حکیم مطلق ہے۔