سورة العنكبوت - آیت 37

فَكَذَّبُوهُ فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ

ترجمہ تیسیر القرآن - مولانا عبدالرحمن کیلانی صاحب

ان لوگوں نے شعیب کو جھٹلا دیا [٥٧] تو آخر انھیں ایک سخت زلزلہ نے آلیا اور وہ اپنے گھروں میں اوندھے پڑے رہ گئے۔

تسہیل البیان فی تفسیر القرآن - ام عمران شکیلہ بنت میاں فضل حسین

ان لوگوں نے اپنے پیغمبر کی نصیحتوں پر کان نہ دھرا،بلکہ انھیں جھوٹا کہا۔ اس بناء پر ان پرعذاب الٰہی برس پڑا۔ چنانچہ ایک سخت بھونچال آیا اور ساتھ ہی اتنی تندوتیزآواز آئی جس سے دل اُڑ گئے اور روحیں پرواز کر گئیں، اور وہ گھٹنوں کے بل بیٹھے کے بیٹھے رہ گئے۔