سورة العنكبوت - آیت 32

قَالَ إِنَّ فِيهَا لُوطًا ۚ قَالُوا نَحْنُ أَعْلَمُ بِمَن فِيهَا ۖ لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ

ترجمہ تیسیر القرآن - مولانا عبدالرحمن کیلانی صاحب

سیدنا ابراہیم نے کہا : ''وہاں تو لوط بھی موجود ہیں۔ وہ کہنے لگے : ہم خوب [٤٩] جانتے ہیں کہ وہاں کون کون ہے۔ ہم انھیں اور ان کے گھر والوں کو بچا لیں گے بجز ان کی بیوی جو پیچھے رہ جانے والوں سے ہوگی۔''

تسہیل البیان فی تفسیر القرآن - ام عمران شکیلہ بنت میاں فضل حسین

ابراہیم علیہ السلام فرمانے لگے کہ وہاں تو لوط علیہ السلام ہیں۔ فرشتوں نے جواب دیا، ہم ان سے غافل نہیں ہیں۔ ہمیں حکم ہے کہ انہیں اور ان کے خاندان کو بچا لیں ہاں ان کی بیوی تو بیشک ہلاک ہو گی کیونکہ وہ اپنی قوم کے کفر میں ان کا ساتھ دیتی رہی ہے۔