سورة النمل

اذْهَب بِّكِتَابِي هَٰذَا فَأَلْقِهْ إِلَيْهِمْ ثُمَّ تَوَلَّ عَنْهُمْ فَانظُرْ مَاذَا يَرْجِعُونَ

’’یہ میرا خط لے جا اور ان کی طرف پھینک دے پھر ان سے ہٹ کر دیکھ کہ وہ کیا جواب دیتے [٢٨] ہیں۔‘‘

فرمایا میں تمہیں ایک خط لکھ کر دیتاہوں یہ خط لے جا کر دربار میں ملکہ اور اس کے درباریوں کے سامنے پھینک دو پھر انتظار کی خاطر ایک طرف ہٹ جاؤ پھر دیکھناکہ اس خط کا وہ کیا ردعمل ظاہر کرتے ہیں اور واپس آکر مجھے اس ردعمل کے مطابق اطلاع بھی دو۔ اس سے جہاں یہ بات معلوم ہوجائے گی کہ تم اس یقینی خبر پہنچانے میں کہاں تک سچے ہو وہاں ان لوگوں کے ردعمل سے یہ بھی معلوم ہوجائے گا کہ وہ لوگ کس ذہنیت کے مالک ہیں۔