سورة الشعراء

لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ

کہ وہ جب تک دردناک عذاب [١١٩] دیکھ نہ لیں وہ ایمان نہیں لائیں گے۔

یہ لوگ دراصل لاتوں کے بھوت ہیں ان کاعلاج دلائل نہیں بلکہ ڈنڈا ہے۔ یعنی جب تک اللہ کاعذاب اپنی آنکھوں سے نہ دیکھ لیں گے ایمان نہیں لائیں گے، خواہ یہ عذاب دنیا میں ان پر آئے یا موت کے وقت اسے دیکھیں یا اسے قیامت کو دیکھیں۔ اس وقت یہ سب باتیں مانتے چلے جائیں گے۔ لیکن اس وقت ان کے ماننے کی کچھ قدر وقیمت نہ ہوگی۔