سورة آل عمران - آیت 16

الَّذِينَ يَقُولُونَ رَبَّنَا إِنَّنَا آمَنَّا فَاغْفِرْ لَنَا ذُنُوبَنَا وَقِنَا عَذَابَ النَّارِ

ترجمہ تیسیر القرآن - مولانا عبدالرحمن کیلانی صاحب

جو کہتے ہیں : اے ہمارے پروردگار! ہم ایمان لے آئے ہیں لہٰذا ہمارے گناہ بخش دے اور ہمیں دوزخ کے عذاب سے بچا لے

تسہیل البیان فی تفسیر القرآن - ام عمران شکیلہ بنت میاں فضل حسین

جو لوگ کفر کی تاریکیوں سے نکل آتے ہیں اللہ کے احکام کی پابندی کرتے ہیں زندگی کے ہر لمحہ میں حرام و حلال کی تمیز رکھتے ہیں پھر وہ اللہ سے دُعا کرتے ہیں کہ اے اللہ ہمارے گناہ معاف کردے اور ہمیں آگ سے بچالے۔