سورة الشعراء

وَاجْعَل لِّي لِسَانَ صِدْقٍ فِي الْآخِرِينَ

اور پچھلے لوگوں میں مجھے سچی ناموری [٦٠] عطا کر۔

پھر دعا کرتے ہیں کہ میرے بعد بھی میرا ذکر خیر لوگوں میں جاری رہے۔ لوگ نیک باتوں میں میری اقتدا کرتے رہیں۔ سیدنا ابراہیم علیہ السلام کی یہ دعا حرف بہ حرف قبول ہوئی۔ دنیا کے اکثر مذاہب آپ کو اپنا دینی پیشوا ضرور تسلیم کرتے ہیں اگرچہ آپ کی تعلیم سے بہت سی باتوں سے منحرف ہوچکے ہیں۔ اسلام نے از سر نو دین ابراہیمی کو زندہ کیا اور ہر نماز میں درود کو واجب قرار دے کر آپ کا ذکر خیر بھی جاری کیا۔ اور جنت کے وارث تو وہ اس لحاظ سے ہوں گے کہ ان کے جد امجد کا اصل مسکن جنت ہی تھا اور جنت کے وارث صالحین ہی ہوں گے۔ جن کے ساتھ سیدنا ابراہیم علیہ السلام ملانے کے لیے دعا فرما رہے ہیں۔ (تیسیر القرآن)