سورة آل عمران - آیت 9
رَبَّنَا إِنَّكَ جَامِعُ النَّاسِ لِيَوْمٍ لَّا رَيْبَ فِيهِ ۚ إِنَّ اللَّهَ لَا يُخْلِفُ الْمِيعَادَ
ترجمہ تیسیر القرآن - مولانا عبدالرحمن کیلانی صاحب
اے ہمارے پروردگار! بلاشبہ تو ہی سب لوگوں کو ایک دن جمع کرنے والا ہے [١١] جس کے آنے میں کوئی شک نہیں۔ تو کبھی اپنے وعدہ کی خلاف ورزی نہیں کرتا
تسہیل البیان فی تفسیر القرآن - ام عمران شکیلہ بنت میاں فضل حسین
جو لوگ پختہ علم والے ہوتے ہیں وہ ان متشابہات کے پیچھے نہیں پڑتے، ٹیڑھی سوچ رکھنے والے، خود گمراہ ہونے والے اور دوسروں کو گمراہ کرنے والے، مومن مشرک، سب کو اکٹھا کرکے اللہ تعالیٰ قیامت کے دن ان کے درمیان فیصلہ کرے گا اور جس نے جیسے عمل کیے ہوں گے ویسا ہی ان كو بدلہ دیا جائے گا۔ ایمان بالآخرت، ایمان بالغیب کا اتنا اہم جزو ہے جو انسان کی زندگی کا رخ بدل دیتا ہے۔ لہٰذا یاددہانی کے طور پر (راسخون فی العلم) نظریہ آخرت كو مومنوں کی دعا کا حصہ بنا دیا گیا۔