سورة الشعراء

فَأَرْسَلَ فِرْعَوْنُ فِي الْمَدَائِنِ حَاشِرِينَ

اس پر فرعون نے (فوج اکٹھی کرنے کے لئے) شہروں میں آدمی بھیج دیئے۔

فرعون کو جب موسیٰ علیہ السلام اور بنی اسرائیل کی روانگی کا علم ہوا تو بہت سٹ پٹایا۔ اس کے سارے منصوبے خاک میں مل رہے تھے۔ چنانچہ اس نے ایک لشکر جرار تیار کرنے کا حکم دیا۔ اور درباریوں سے کہنے لگا یہ مٹھی بھر کمزور سی جماعت ہے اور ان لوگوں نے فرار کی راہ اختیار کر کے ہمیں خواہ مخواہ غصہ چڑھا دیا ہے۔ لہٰذا ہمیں چاہیے کہ فوراً ان کا تعاقب کر کے انھیں کیفر کردار تک پہنچائیں۔